Bli med på vårryddedagen!

Vårryddedagen er ein nasjonal ryddekampanje der det kvart år vert fjerna store mengder avfall frå norsk natur, før ferdselsforbodet trer i kraft 15. april.

Målet med vårryddedagen er å ha ein felles ryddedag når avfall kjem til syne etter snøsmeltinga, og før hekketida er i gang for fullt.

Har du lyst til å delta?

NGIR deler ut sekkar og hanskar til alle som vil rydde.

Utstyr kan du hente i resepsjonen i Kjevikdalen måndag til fredag klokka 08.00 - 15.30, eller i ein av strandryddekassane som er plasserte ut i regionen.

Sjå kor strandryddekassane står her. 

Du kan rydde langs elvar, innsjøar, strender, holmar, øyar, stiar eller andre stader med eigarlaust avfall.

Ønsker du å rydde eit større område? Då kan NGIR setje ut konteinar. Ta kontakt på e-post strandrydding@ngir.no.

Registrer gjerne aksjonen din på ryddenorge.no eller i appen: Rydde

Korleis kvittar du deg med avfallet? 

Når du er ferdig å rydde tar du kontakt med NGIR på e-post:  strandrydding@ngir.no, for å avtale henting av avfallet.

Det er sjølvsagt lov å rydde på andre dagar i året også, men me minner om at du etter 15. april må ta ekstra omsyn i område der det kan vere hekkande fuglar.