Matrikulering av eksisterande umatrikulert grunn for kommunale vegar på Radøy

Syner til varsling/kunngjering i avisa Nordhordland den 24. februar og på Alver kommune si heimeside publisert den 8. mars.

På Radøy var det ikkje tildelt gards- og bruksnummer på dei fleste kommunale vegane i matrikkelen (det digitale eigedomskartet) slik som andre stadar i kommunen.
Alver kommune var heller ikkje lagt inn som kontaktinstans på desse vegane. Vegane var berre lagt inn i matrikkelen som eigarlause teigar (0/0-teigar).
Tildeling av gards- bruksnummer og kontaktinstans gjer varslingsarbeid lettare for både private og offentlege aktørar.
Gards- og bruksnummer og kontaktinstans er no ført i matrikkelen i tråd med det som er kommunal veg i Vegnett.
Vegnett er vegsenterlinje med informasjon om gatenummer, gatenamn, vegkategori med meir. Vegnett utgjer ein del av Nasjonal vegdatabank (NVDB)

Det er meir detaljert informasjon i protokollen som har vorte laga i samband med dette arbeidet.

Dersom du har merknader til dei tildelte gards- og bruksnummer og/eller kontaktinstans kan du ta kontakt med Eigedomsavdelinga eller Kart og Oppmåling i Alver kommune.

Denne matrikuleringa av vegar/parsellar kan og klagast over,
jf. matrikkellova §46.  

Klagen skal sendast til Alver kommune, avdeling Kart og Oppmåling. Klagefrist er tre veker frå underretninga om matrikulering av vegar vert publisert på heimesida.

Her finn du lenke til rekvisisjon, krav om matrikulering og eigenfråsegn frå Eigedomsavdelinga samt informasjon om retting av vegnett for vegane Nordangervågen og Ulvatn.
Du finn og lenke til protokollen.

Rekvisisjon
Krav om matrikulering
Eigenfråsegn
Retting av vegnett, Nordangervågen
Retting av vegnett, Ulvatn
Protokoll

Tabell gjev oversikt over dei aktuelle vegane med lenke til kartvedlegg. Den gjev og oversikt over tildelte gards- og bruksnummer med lenke til matrikkelbrev.

Kommunale veger på Radøy som har fått tildelt gards-bruksnummer og kontaktinstans: