Søkje læreplass
Om ordninga
Vi ønskjer å gi ungdommar og vaksne moglegheita til å fullføre ei fagutdanning. Vi er stolte over alle lærlingane våre, som tilfører oss ny kompetanse.
Alver kommune tek inn lærlingar i følgjande fag:
- Helsefag/TAF-helse
- Barne- og ungdomsarbeidarfaget
- Institusjonskokkefaget
- Feiarfaget
- Reinhaldsoperatørfaget
- Byggdriftarfaget
- Kontorfaget
- Målarfaget
Søknadsfrist for læreplass i Alver kommune er 1. mars 2020.
Slik søkjer du
Søknaden kan du sende via VIGO, til Opplæringskontoret i Nordhordland eller direkte til Alver kommune på e-post: post@alver.kommue.no.
Har du spørsmål om lærlingordninga i Alver kommune, ta kontakt med:
- May- Eva Sandvik
HR-rådgjevar
E-post: may.eva.sandvik@alver.kommune.no
Meir om lærefag
For Alver kommune er det eit samfunnsansvar å gje oppveksande generasjonar utdanning, men vel så viktig er kommunen sitt behov for eiga rekruttering. På sikt vil kommunen ha eit aukande behov til dømes innan helsefag, noko som gjer at vi har prioritert inntaket i dette faget.
Alver kommune er også godkjent som lærebedrift innan TAF-helsefag. Tilbodet inneber at elevane oppnår både studiekompetanse og fagbrev i helsearbeidarfaget innan fire år. Dette er eit samarbeid mellom Knarvik Vidaregåande skule og Alver kommune. Dei to første åra som elevar og dei to siste som lærlingar.
Alver kommune har nyleg inngått samarbeidsavtale med Austrheim, Knarvik og Osterøy Vidaregåande skular. Hensikten er å styrke samarbeidet om å rekruttera til yrkesfagleg opplæring og å lette overgangen frå skule til læreplass for elevane.
Alver kommune er medlem i Opplæringskontoret for Nordhordland, som er bindeleddet vårt mellom Vestland Fylkeskommune som utarbeidar lærekontraktane.
Opplæringskontoret for Nordhordland bidreg også med oppfølging og kvalitetssikring.